Wikikamus:WikiMahabar

Laman tatambaian

Hadiah

Parukunan turai

Daptar léma

Tatakunan

WikiMahabar, yaitu singkatan matan "Manambah léma maraga harung basa Banjar", nang dalam Basa Indonesia baarti "Menambah léma, (sebagai bentuk) peduli bahasa Banjar". Baturai ngini dirancang gasan manaikakan jumlah léma basa Banjar, sabagai upaya panting dalam palastarian wan pangambangan basa dairah. Basa Banjar, nangkaya banyak bahasa dairah lainnya di Indunisia, manangani tantangan ganal gasan manjaga kahidupan tarus wan dipakai dalam kahidupan sahari-hari. Lawan cara mambanyaki léma, kita kawa iskaya lawan adanya jati diri basa Banjar.

WikiMahabar batujuan gasan manambah kosa kata basa Banjar malalui panambahan léma hanyar wan pangambangan léma nang ada nang disusun sacara hati-hati. Babarapa léma nang digawi di antaranya mancari kalas kata, makna nang akurat, wan cuntuh pamakaian dalam kalimat, sampai pamakaian nang rasuk lawan hidup sahari-hari.

Malalui turai ngini, handaknya pacangan diulah sumbangan nang panting gasan pangambangan basa Banjar. Lawan manambahi dokumentasi kosakata, program ngini kada hanya maiskayaakan jati diri budaya masyarakat Banjar, tapi jua mamudahakan jalan masuk gasan ganarasi nang dudi gasan maminandui wan mamahami kakayaan basa bubuhannya. Turai ngini diharapakan jua manjadi sarana gasan maminanduakan basa Banjar ka khalayak nang labih luas, sabagai bagian matan upaya palastarian bahasa dairah di Indunisia.

Tanggal Panting

Sosialisasi di google meet wan promosi baturai: 29 Uktubir 2024.
Pendaptaran: 22 Uktubir 2024 - 30 Nupimbir 2024
Turai dimulai, panilaian léma, wan pamadahan klasemén pahadangan: 01 Nupimbir - 30 Nupimbir 2024
Pamadahan paris: 10 Disimbir 2024

Katantuan Umum

Turai ngini basifat individu atawa sorang-sorangan.
Pian wajib maasi kabijakan ruang ramah acara Wikimédia Indonésia.
Warga Nagara Indunisia (WNI) wan bagana di Indunisia.
Baumur minimal 17 tahun wayah turai dimulai (par 22 Uktubir 2024).
Pian kada kawa maumpati turai ngini, amun:
- Sabagai staf, konsultan, pambakal, pangawas Wikimedia Indonesia, Wikimedia Foundation, wan afiliasi Wikimédia lainnya.
- Sabagai panarima program Hibah Paket Internét, Dana Wiki, wan Dukungan Laptop dan Internet Wikimedia Indunisia nang lagi aktif.
- Sabagai panarima beasiswa daring atawa dukungan laptop wan internét Wikimédia Indonesia nang balum manuntungakan gawiannya
- Panitia wan pasarta turai nang didanai hibah WikiTeroka 5.0 lainnya.
Turai ngini diutamakan gasan pamakai hanyar atawa pamakai nang sudah tadaptar sabalumnya lawan maksimal 200 babakan (suntingan). Silakan pian kawa maitihi kontribusi pian di sini.
Amun Pian ada nang handak ditakunakan hiwal téknis atawa kabijakan, Pian kawa mahabari panitia di alamat surél banjarwikimedia.or.id.
Panitia baisi hak gasan mendiskualipikasi Pian amun mangganggu kalancaran turai ngini.
Kabijakan panitia wan juri basifat final wan kada kawa diganggu gugat.

Caranya umpat

	Mandaptar malalui tautan nang ada. Pian cukup mandaptarakan diri sakali haja wayah turai.
	Mamilih pakét wan manggawi tantangan sasuai lawan pilihan pakét. Pian dibulihakan manggawi pakét pangambangan léma nang ada atawa maulah lema hanyar di Wikikamus basa Banjar.
	Maisi borang klaim poin sasuai lawan pakét nang Pian gawi, malalui tautan nang ada.
	Panitia pacangan mamastiakan klaim poin Pian apakah sah atawa kada, wan mancatat ka dalam sistim. Poin dianggap sah lamun digawi sasuai lawan pilihan pakét nang disadiakan. Waktu manggawi léma mamakai Waktu Indonésia bagian Tangah (WITA).
	Pasarta wajib mamasang citakan `{{Pasarta WikiMahabar}}` di laman pamakai masing-masing. Panduan panggunaan citakan ini kawa diitihi di sini.
	Panitia pacangan mahanyari daptar klasemen pahadangan di média sosial @banjarwiki wayah turai hudah bajalan.
	Gasan manang hadiah ganal, pasarta harus maulah atawa mangambangakan minimal 200 léma wayah baturai.
	Hadiah nang kawa Pian dapat kawa diitihi di subhalaman Hadiah.

Picik di sini gasan mandaptar Picik di sini gasan klaim poin

Laman ini ada jua dalam basa Indunisia